–ਸਬ ਹੈਡਿੰਗ–ਹਮਸਫ਼ਰ ਯੂਥ ਕਲੱਬ ਨੇ ਸਾਰੇ ਭਾਗੀਦਾਰਾਂ ਨੂੰ ਪ੍ਰਸ਼ੰਸਾ ਪੱਤਰ ਦਿੱਤੇ
ਜਲੰਧਰ : ਸ਼ਹਿਰ ਨੂੰ ਸੁੰਦਰ ਬਣਾਉਣ ਅਤੇ ਵਾਤਾਵਰਣ ਨੂੰ ਸਾਫ਼ ਰੱਖਣ ਦੇ ਉਦੇਸ਼ ਨਾਲ, ਸਕੂਲ ਦੇ 70 ਵਿਦਿਆਰਥੀਆਂ ਨੇ ਨਗਰ ਨਿਗਮ ਸਿਹਤ ਸ਼ਾਖਾ ਜਲੰਧਰ ਅਤੇ ਹਮਸਫ਼ਰ ਯੂਥ ਕਲੱਬ ਦੁਆਰਾ ਆਯੋਜਿਤ ‘ਸਵੱਛਤਾ ਹੀ ਸੇਵਾ’ ਮੁਹਿੰਮ ਦੌਰਾਨ ਸਰਕਾਰੀ ਹਾਈ ਸਕੂਲ ਨੂਰਪੁਰ ਵਿਖੇ ਇੱਕ ਵਿਸ਼ੇਸ਼ ਪ੍ਰੋਗਰਾਮ ਵਿੱਚ ਹਿੱਸਾ ਲਿਆ। ਉਨ੍ਹਾਂ ਨੇ ਸਕੂਲ ਦੇ ਮੈਦਾਨ ਵਿੱਚੋਂ ਕਾਗਜ਼, ਗੱਤੇ, ਪਲਾਸਟਿਕ, ਕੱਚ ਅਤੇ ਹੋਰ ਖਿੰਡੇ ਹੋਏ ਕੂੜੇ ਦੀਆਂ ਚੀਜ਼ਾਂ ਨੂੰ ਰੀਸਾਈਕਲਿੰਗ ਲਈ ਸਕੂਲ ਦੇ ਵਿਹੜੇ ਵਿੱਚ ਵੱਖ-ਵੱਖ ਡਸਟਬਿਨਾਂ ਵਿੱਚ ਇਕੱਠਾ ਕੀਤਾ। ਨਗਰ ਨਿਗਮ ਸਿਹਤ ਸ਼ਾਖਾ ਤੋਂ ਸੀ.ਐਫ. ਅਮਨਦੀਪ ਕੌਰ ਸਿਹਤ ਸ਼ਾਖਾ ਤੋਂ ਆਪਣੀ ਟੀਮ ਨਾਲ ਬੱਚਿਆਂ ਨੂੰ ਜਾਗਰੂਕ ਕਰਨ ਲਈ ਨੂਰਪੁਰ ਹਾਈ ਸਕੂਲ ਪਹੁੰਚੀ। ਸਮਾਗਮ ਦੌਰਾਨ, ਸਕੂਲੀ ਬੱਚਿਆਂ ਨੂੰ ਪ੍ਰੇਰਿਤ ਕਰਨ ਲਈ, ਸਫਾਈ ਮੁਹਿੰਮ ਦੇ ਨਾਲ-ਨਾਲ ਹਰੀ ਦੀਵਾਲੀ ਮਨਾਉਣ ‘ਤੇ ਵੀ ਜ਼ੋਰ ਦਿੱਤਾ ਗਿਆ। ਹਮਸਫ਼ਰ ਯੂਥ ਕਲੱਬ ਦੇ ਪ੍ਰਧਾਨ ਰੋਹਿਤ ਭਾਟੀਆ ਨੇ ਸਕੂਲ ਦੇ ਲੈਕਚਰਾਰ ਹਰਪਾਲ ਸਿੰਘ ਦਾ ਵਿਸ਼ੇਸ਼ ਤੌਰ ‘ਤੇ ਧੰਨਵਾਦ ਕੀਤਾ, ਜਿਨ੍ਹਾਂ ਦੀ ਨਿਗਰਾਨੀ ਹੇਠ ਇਹ ਗਤੀਵਿਧੀ ਪੂਰੀ ਕੀਤੀ ਗਈ। ਸਾਰੇ ਭਾਗੀਦਾਰਾਂ ਨੂੰ ਹਮਸਫ਼ਰ ਯੂਥ ਕਲੱਬ ਵੱਲੋਂ ਪ੍ਰਸ਼ੰਸਾ ਪੱਤਰਾਂ ਨਾਲ ਸਨਮਾਨਿਤ ਵੀ ਕੀਤਾ ਗਿਆ। ਇਸ ਮੌਕੇ ਲੈਕਚਰਾਰ ਹਰਪਾਲ ਸਿੰਘ, ਹਮਸਫ਼ਰ ਰੈੱਡ ਰਿਬਨ ਕਲੱਬ ਤੋਂ ਪੂਨਮ ਭਾਟੀਆ, ਪੂਜਾ, ਸਤਵਿੰਦਰ, ਨੇਹਾ, ਸੁਰਬੀ, ਰੇਖਾ, ਅਜੈ, ਸ਼ੁਭਮ, ਆਰਤੀ, ਗੁਰਪ੍ਰੀਤ ਕੌਰ ਆਦਿ ਮੌਜੂਦ ਸਨ।
About Post Author
