(ਰਾਜੂ ਸਿੰਗਲਾ) ਸੁਨਾਮ ਊਧਮ ਸਿੰਘ ਵਾਲਾ। ਜ਼ਿਲ੍ਹਾ ਸੰਗਰੂਰ ਕੈਮਿਸਟ ਐਸੋਸੀਏਸ਼ਨ ਵੱਲੋਂ ਡਰੱਗ ਅਵੇਅਰਨੈਸ, ‘ਯੁੱਧ ਨਸ਼ੇ ਵਿਰੁੱਧ’ ਅਤੇ ਜੀ.ਐੱਸ.ਟੀ. ਵਿਸ਼ੇ ’ਤੇ ਇੱਕ ਵਿਸ਼ੇਸ਼ ਸੈਮੀਨਾਰ-ਕਮ-ਮੀਟਿੰਗ ਦਾ ਆਯੋਜਨ ਕੀਤਾ ਗਿਆ। ਐਸੋਸੀਏਸ਼ਨ ਪ੍ਰਧਾਨ ਨਰੇਸ਼ ਜਿੰਦਲ, ਜਨਰਲ ਸਕੱਤਰ ਰਾਜੀਵ ਜੈਨ, ਚੇਅਰਮੈਨ ਸੰਜੇ ਪੂਰੀ ਅਤੇ ਖਜ਼ਾਨਚੀ ਸਤੀਸ਼ ਸਿੰਗਲਾ ਦੀ ਅਗਵਾਈ ਹੇਠ ਆਯੋਜਿਤ ਇਸ ਮੀਟਿੰਗ ਵਿੱਚ ਜ਼ੋਨਲ ਲਾਇਸੈਂਸਿੰਗ ਅਥਾਰਟੀ ਅਮਨ ਵਰਮਾ, ਡਰੱਗ ਕੰਟਰੋਲ ਅਫ਼ਸਰ ਰੋਹਿਤ ਕਾਲੜਾ ਅਤੇ ਡਰੱਗ ਕੰਟਰੋਲ ਅਫ਼ਸਰ ਡਾ. ਸੰਤੋਸ਼ ਜਿੰਦਲ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਮੀਟਿੰਗ ਵਿੱਚ ਜ਼ਿਲ੍ਹੇ ਭਰ ਤੋਂ ਕੈਮਿਸਟਾਂ ਨੇ ਭਾਗ ਲਿਆ।
ਮੀਟਿੰਗ ਦੌਰਾਨ ਅਧਿਕਾਰੀਆਂ ਨੇ ਡੁਪਲੀਕੇਟ ਅਤੇ ਨਕਲੀ ਦਵਾਈਆਂ ਦੀ ਵਿਕਰੀ ਰੋਕਣ ਲਈ ਸਖ਼ਤ ਨਿਰਦੇਸ਼ ਜਾਰੀ ਕੀਤੇ। ਅਧਿਕਾਰੀਆਂ ਨੇ ਕਿਹਾ ਕਿ ਸਾਰੇ ਕੈਮਿਸਟ ਕੇਵਲ ਅਧਿਕਾਰਤ ਡੀਲਰਾਂ ਤੋਂ ਹੀ ਦਵਾਈਆਂ ਦੀ ਖਰੀਦ ਕਰਨ। ਇਸਦੇ ਨਾਲ ਹੀ ਨਾਰਕੋਟਿਕ (ਪਾਬੰਦੀਸ਼ੁਦਾ) ਦਵਾਈਆਂ ਦੀ ਵਿਕਰੀ ਕੇਵਲ ਡਾਕਟਰ ਦੀ ਪਰਚੀ ’ਤੇ ਕਰਨ ਅਤੇ ਉਨ੍ਹਾਂ ਦਾ ਪੂਰਾ ਵਿਕਰੀ ਰਿਕਾਰਡ ਮੇਨਟੇਨ ਰੱਖਣ ਦੇ ਸਖ਼ਤ ਨਿਰਦੇਸ਼ ਦਿੱਤੇ ਗਏ।
ਡਰੱਗ ਵਿਭਾਗ ਦੇ ਅਧਿਕਾਰੀਆਂ ਨੇ ਲਾਇਸੈਂਸ ਨਵੀਨੀਕਰਨ ਦੀ ਪ੍ਰਕਿਰਿਆ ਦੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ ਜਿਨ੍ਹਾਂ ਕੈਮਿਸਟਾਂ ਦਾ ਨਵੀਨੀਕਰਨ 31 ਦਸੰਬਰ 2026 ਤੱਕ ਬਕਾਇਆ ਹੈ, ਉਹ ਪੁਰਾਣੇ ਸਾਫ਼ਟਵੇਅਰ ਰਾਹੀਂ ਅਰਜ਼ੀ ਦੇਣ, ਖਾਸ ਕਰਕੇ ਗੋਦਾਮ ਲਾਇਸੈਂਸ ਧਾਰਕ। ਉੱਥੇ ਹੀ ਹੋਰ ਸਾਰੇ ਲਾਇਸੈਂਸ ਧਾਰਕ 31 ਮਾਰਚ 2027 ਤੱਕ ਦੇ ਨਵੀਨੀਕਰਨ ਵਿੱਚ ਦੇਰੀ ਤੋਂ ਬਚਣ ਲਈ ਨਵੇਂ ਸਾਫ਼ਟਵੇਅਰ ’ਤੇ ਤੁਰੰਤ ਆਪਣੀ ਰਜਿਸਟਰੇਸ਼ਨ ਯਕੀਨੀ ਬਣਾਉਣ।
ਐਸੋਸੀਏਸ਼ਨ ਅਹੁਦੇਦਾਰਾਂ ਨੇ ਕੈਮਿਸਟਾਂ ਨੂੰ ਅਪੀਲ ਕੀਤੀ ਕਿ ਦਵਾਈ ਕਾਰੋਬਾਰ ਨਾਲ ਜੁੜੀ ਕਿਸੇ ਵੀ ਸਮੱਸਿਆ ਦੇ ਹੱਲ ਲਈ ਸਿੱਧਾ ਐਸੋਸੀਏਸ਼ਨ ਜਾਂ ਡਰੱਗ ਵਿਭਾਗ ਦੇ ਅਧਿਕਾਰੀਆਂ ਨਾਲ ਸੰਪਰਕ ਕਰਨ ਅਤੇ ਵਿਚੋਲਿਆਂ ਦੇ ਬਹਿਕਾਵੇ ਵਿੱਚ ਨਾ ਆਉਣ। ਇਸ ਮੌਕੇ ਫਕੀਰ ਚੰਦ, ਪ੍ਰੇਮ ਕੁਮਾਰ, ਰੋਮੀ ਡਾਂਗ, ਰਾਕੇਸ਼ ਪੂਰੀ, ਵਿਨੋਦ ਹੈਪੀ, ਦਵਿੰਦਰ ਵਸ਼ਿਸ਼ਟ, ਯੋਗੇਸ਼ ਚੋਪੜਾ, ਅਜੈਬ ਸੈਣੀ, ਪੁਸ਼ਪਿੰਦਰ ਸਿੰਘ, ਸਤਿੰਦਰ ਕੁਮਾਰ ਸੈਣੀ, ਬਾਰੂ ਰਾਮ, ਗੁਰਿੰਦਰ ਗੋਇਲ, ਗੁਰਚਰਨ ਢੀਂਡਸਾ, ਅਸ਼ੋਕ ਕੁਮਾਰ, ਸ਼ਸ਼ੀ ਭੂਸ਼ਣ, ਗੋਗੀ ਚੀਮਾ, ਗੁਰਸੇਵਕ ਸਿੰਘ, ਜਸਪਾਲ ਸਿੰਘ ਧਾਮੀ, ਖੁਸ਼ਵਿੰਦਰ ਸ਼ਰਮਾ, ਬਲਵਿੰਦਰ ਬੱਬਲਾ, ਵਿਨੀਤ ਜਿੰਦਲ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਕੈਮਿਸਟ ਮੌਜੂਦ ਸਨ।
About Post Author
