ਦਿੱਲੀ। ਸੀਜੇਪੀ ਦੇ ਸੰਸਥਾਪਕ ਅਤੇ ਕਨਵੀਨਰ ਅਭਿਜੀਤ ਦੀਪਕੇ ਨੇ ਕਿਹਾ ਕਿ ਦੇਸ਼ ਦੇ ਹਰ ਕੋਨੇ ਤੋਂ ਨਾਗਰਿਕ ਅਤੇ ਅੰਦੋਲਨ ਦੇ ਮੈਂਬਰ ਨਵੀਂ ਦਿੱਲੀ ਵਿੱਚ ਇਕੱਠੇ ਹੋਣਗੇ ਅਤੇ ਜੰਤਰ-ਮੰਤਰ ਵਿਖੇ ਵਿਸ਼ਾਲ ਪ੍ਰਦਰਸ਼ਨ ਸ਼ੁਰੂ ਕਰਨਗੇ ਜੇ ਕੁਮਾਰ ਅਹੁਦੇ ਤੋਂ ਨਹੀਂ ਹਟਦੇ।
ਦੀਪਕੇ ਨੇ ਕਿਹਾ, ਜੇ ਗਿਆਨੇਸ਼ ਕੁਮਾਰ ਅਸਤੀਫ਼ਾ ਨਹੀਂ ਦਿੰਦੇ, ਤਾਂ ਪੂਰੇ ਭਾਰਤ ਤੋਂ ਕੌਕਰੋਚ ਦਿੱਲੀ ਵੱਲ ਮਾਰਚ ਕਰਨਗੇ ਅਤੇ 10 ਅਕਤੂਬਰ ਨੂੰ ਜੰਤਰ-ਮੰਤਰ ਵਿਖੇ ਪ੍ਰਦਰਸ਼ਨ ਕਰਨਗੇ।
ਉਨ੍ਹਾਂ ਕਿਹਾ ਕਿ ਜੇ ਦਿੱਲੀ ਪੁਲੀਸ ਸਾਨੂੰ ਰੋਕਣ ਦੀ ਕੋਸ਼ਿਸ਼ ਕਰਦੀ ਹੈ, ਤਾਂ ਉਹ ਜਿੱਥੇ ਵੀ ਸਾਨੂੰ ਰੋਕਣਗੇ ਉਹੀ ਸਾਡਾ ਜੰਤਰ-ਮੰਤਰ ਬਣ ਜਾਵੇਗਾ। ਸਾਡਾ ਪ੍ਰਦਰਸ਼ਨ ਸ਼ਾਂਤਮਈ ਹੋਵੇਗਾ। ਅਸੀਂ ਮਹਾਤਮਾ ਗਾਂਧੀ ਵੱਲੋਂ ਦਿਖਾਏ ਗਏ ਮਾਰਗ ’ਤੇ ਚੱਲਾਂਗੇ।
ਬਿਆਨ ਦੇ ਮੁਤਾਬਕ, ਦਿੱਲੀ ਦਾ ਇਹ ਪ੍ਰਦਰਸ਼ਨ ਪੂਰੀ ਤਰ੍ਹਾਂ ਅਹਿੰਸਕ ਸਿਧਾਂਤਾਂ ’ਤੇ ਆਧਾਰਿਤ ਹੋਵੇਗਾ ਅਤੇ ਲੋਕਤੰਤਰੀ ਸੰਸਥਾਵਾਂ ਵਿੱਚ ਲੋਕਾਂ ਦੇ ਵਿਸ਼ਵਾਸ ਨੂੰ ਕਾਇਮ ਰੱਖਣ ਲਈ ਇਤਿਹਾਸਕ ਸਵਿਨਿਆ ਅਵਗਿਆ (ਸਿਵਲ ਨਾਫ਼ਰਮਾਨੀ) ਤੋਂ ਪ੍ਰੇਰਣਾ ਲਵੇਗਾ।
ਦੀਪਕੇ ਨੇ ਕਿਹਾ, ਇਹ ਸਾਡੇ ਲੋਕਤੰਤਰ ਨੂੰ ਬਚਾਉਣ ਦੀ ਲੜਾਈ ਹੈ। ਹਰ ਨਾਗਰਿਕ ਜੋ ਸੁਤੰਤਰ ਅਤੇ ਨਿਰਪੱਖ ਚੋਣਾਂ ਚਾਹੁੰਦਾ ਹੈ, ਉਸ ਨੂੰ 10 ਅਕਤੂਬਰ ਨੂੰ ਸਾਡੇ ਨਾਲ ਜੁੜਨਾ ਚਾਹੀਦਾ ਹੈ।
ਇਹ ਬਿਆਨ ਸ਼ੁੱਕਰਵਾਰ ਨੂੰ ਮੁੰਬਈ ਦੇ ਸ਼ਿਵਾਜੀ ਪਾਰਕ ਵਿਖੇ ਸੀਜੇਪੀ ਨੇ ਕੀਤੇ ਗਏ ਪ੍ਰਦਰਸ਼ਨ ਤੋਂ ਬਾਅਦ ਆਇਆ ਹੈ, ਜਿੱਥੇ ਕਥਿਤ ਵੋਟਰ ਸੂਚੀ ਦੀਆਂ ਬੇਨਯਮੀਆਂ ਨੂੰ ਲੈ ਕੇ ਕੁਮਾਰ ਦੇ ਅਸਤੀਫ਼ੇ ਦੀ ਮੰਗ ਕਰਨ ਲਈ ਪੁਲੀਸ ਦੀਆਂ ਪਾਬੰਦੀਆਂ ਦੇ ਬਾਵਜੂਦ ਹਜ਼ਾਰਾਂ ਲੋਕ ਇਕੱਠੇ ਹੋਏ ਸਨ। ਮੁੰਬਈ ਦੇ ਪ੍ਰਦਰਸ਼ਨ ਵਿੱਚ ਜੇ ਕੁਮਾਰ ਅਹੁਦੇ ਤੋਂ ਨਹੀਂ ਹਟਦੇ ਤਾਂ ਦਿੱਲੀ ਵਿੱਚ ਇੱਕ ਨਵੇਂ ਅੰਦੋਲਨ ਦੀ ਮੰਗ ਵੀ ਕੀਤੀ ਗਈ ਸੀ।
– ਪੀ.ਟੀ.ਆਈ.
About Post Author
