ਲਿਆਕਤ, ਈਮਾਨਦਾਰੀ ‘ਤੇ ਕਿਰਦਾਰ ਦੀ ਰਾਜਨੀਤੀ:  ਪਰਗਟ ਸਿੰਘ ‘ਤੇ ਸਮਿਤ ਸਿੰਘ ਮਾਨ ਨੇ ਏਅਰਪੋਰਟ ’ਤੇ ਵਰਕਰਾਂ ਨਾਲ ਖੜ੍ਹ ਕੇ ਦਿੱਤਾ ਸੁਨੇਹਾ

ਰਵਿੰਦਰ ਸਿੰਘ ਰੇਸ਼ਮ, ਕੁੱਪ ਕਲਾਂ ਕਾਂਗਰਸ ਪ੍ਰਧਾਨ ਸਰਦਾਰ ਪਰਗਟ ਸਿੰਘ ਅਤੇ ਕਾਂਗਰਸ ਹਲਕਾ ਇੰਚਾਰਜ ਅਮਰਗੜ੍ਹ, ਰਾਸ਼ਟਰੀ ਬੁਲਾਰਾ ਤੇ ਭਾਰਤੀ ਰਾਸ਼ਟਰੀ ਕਾਂਗਰਸ ਦੇ ਰਾਸ਼ਟਰੀ ਖੇਡ ਵਿਭਾਗ ਦੇ ਮੁਖੀ ਸਮਿਤ ਸਿੰਘ ਮਾਨ ਨੇ ਕੱਲ੍ਹ ਸ਼ਾਮ ਚੰਡੀਗੜ੍ਹ ਏਅਰਪੋਰਟ ’ਤੇ ਕਾਂਗਰਸੀ ਵਰਕਰਾਂ ਨਾਲ ਮਿਲ ਕੇ ਕੇਸੀ ਵੀਨੂ ਗੋਪਾਲ ਜੀ ਦਾ ਇੰਤਜ਼ਾਰ ਕੀਤਾ। ਦੋਵਾਂ ਲੀਡਰਾਂ ਕੋਲ ਏਅਰਪੋਰਟ ਦੇ ਅੰਦਰ ਜਾਣ ਦਾ ਪਾਸ ਮੌਜੂਦ ਸੀ, ਪਰ ਉਨ੍ਹਾਂ ਨੇ ਇਸ ਵਿਕਲਪ ਦੀ ਬਜਾਏ ਆਪਣੇ ਵਰਕਰਾਂ ਨਾਲ ਬਾਹਰ ਖੜਨਾ ਪਸੰਦ ਕੀਤਾ। ਇਹ ਇੱਕ ਛੋਟਾ ਜਿਹਾ ਫ਼ੈਸਲਾ ਨਹੀਂ, ਸਗੋਂ ਉਸ ਵਿਚਾਰਧਾਰਾ ਦਾ ਸਪੱਸ਼ਟ ਪ੍ਰਗਟਾਵਾ ਸੀ ਜਿਸ ਨੂੰ ਪਰਗਟ ਸਿੰਘ ਤੇ ਸਮਿਤ ਸਿੰਘ ਮਾਨ ਦੋਵੇਂ ਲਗਾਤਾਰ ਆਪਣੀ ਰਾਜਨੀਤੀ ਦਾ ਅਧਾਰ ਮੰਨਦੇ ਆ ਰਹੇ ਹਨ। ਦੋਵਾਂ ਦਾ ਸਾਫ਼ ਮੈਸੇਜ ਸੀ ਕਿ ਪਾਸ ਸਿਰਫ਼ ਚੁਣੇ ਹੋਏ ਲੀਡਰਾਂ ਕੋਲ ਹੁੰਦੇ ਹਨ ਤਸਵੀਰਾਂ ਖਿਚਾਉਣ ਲਈ, ਪਰ ਅਸੀਂ ਆਪਣੇ ਵਰਕਰਾਂ ਨਾਲ ਖੜ੍ਹਦੇ ਹਾਂ। ਆਮ ਬੰਦੇ ਦਾ ਸਤਕਾਰ ਅਤੇ ਹਰ ਵਰਕਰ ਨੂੰ ਨਾਲ ਲੈ ਕੇ ਚੱਲਣ ਦੀ ਸੋਚ ਹੀ ਕਾਂਗਰਸ ਨੂੰ ਅੱਗੇ ਵਧਾਉਂਦੀ ਹੈ। ਪਰਗਟ ਸਿੰਘ ਜੋ ਪੰਜਾਬ ਕਾਂਗਰਸ ਦੀ ਅਗਵਾਈ ਸੰਭਾਲ ਰਹੇ ਹਨ, ਅਤੇ ਸਮਿਤ ਸਿੰਘ ਮਾਨ, ਜੋ ਅਮਰਗੜ੍ਹ ਹਲਕੇ ਵਿੱਚ ਜ਼ਮੀਨੀ ਪੱਧਰ ’ਤੇ ਸੰਗਠਨ ਨੂੰ ਮਜ਼ਬੂਤ ਕਰਨ ਵਿੱਚ ਲਗਾਤਾਰ ਸਰਗਰਮ ਹਨ, ਦੋਵਾਂ ਨੇ ਇਸ ਮੌਕੇ ’ਤੇ ਉਹੀ ਸਿਧਾਂਤ ਅਮਲ ਵਿੱਚ ਲਿਆਂਦਾ ਜਿਸ ਬਾਰੇ ਉਹ ਬਾਰ-ਬਾਰ ਗੱਲ ਕਰਦੇ ਰਹੇ ਹਨ। ਉਨ੍ਹਾਂ ਦਾ ਕਹਿਣਾ ਸੀ ਕਿ ਕੱਲ੍ਹੇ ਮਿਲਣ ਦੇ ਮੌਕੇ ਹਜ਼ਾਰਾਂ ਹੋਣਗੇ, ਪਰ ਜਿੱਥੇ ਸਾਡਾ ਵਰਕਰ ਹੈ, ਉਥੇ ਅਸੀਂ ਹਾਂ। ਇਹ ਰਵੱਈਆ ਨਾ ਸਿਰਫ਼ ਇੱਕ ਘਟਨਾ ਵਜੋਂ ਸਾਹਮਣੇ ਆਇਆ, ਸਗੋਂ ਉਸ ਜ਼ਮੀਨੀ ਅਤੇ ਸਿਧਾਂਤਕ ਰਾਜਨੀਤੀ ਦੀ ਨਿਸ਼ਾਨੀ ਬਣਿਆ ਜਿਸ ਵਿੱਚ ਲਿਆਕਤ, ਈਮਾਨਦਾਰੀ ਤੇ ਕਿਰਦਾਰ ਨੂੰ ਕੇਂਦਰ ਵਿੱਚ ਰੱਖਿਆ ਜਾਂਦਾ ਹੈ। ਕਾਂਗਰਸੀ ਵਰਕਰਾਂ ਨਾਲ ਬਾਹਰ ਖੜ੍ਹਣਾ ਇੱਕ ਪ੍ਰਤੀਕਾਤਮਕ ਪਲ ਸੀ। ਇਸ ਵਿੱਚ ਉਹ ਸੰਦੇਸ਼ ਛੁਪਿਆ ਸੀ ਕਿ ਰਾਜਨੀਤੀ ਸਿਰਫ਼ ਚੁਣੇ ਹੋਏ ਚਿਹਰਿਆਂ ਅਤੇ ਅੰਦਰੂਨੀ ਤਸਵੀਰਾਂ ਤੱਕ ਸੀਮਿਤ ਨਹੀਂ ਹੋਣੀ ਚਾਹੀਦੀ। ਇਹ ਉਸ ਆਮ ਵਰਕਰ ਦੇ ਨਾਲ ਖੜ੍ਹਨ ਵਾਲੀ ਹੋਣੀ ਚਾਹੀਦੀ ਹੈ ਜੋ ਪਾਰਟੀ ਦੀ ਅਸਲ ਤਾਕਤ ਹੈ। ਪਰਗਟ ਸਿੰਘ ਤੇ ਸਮਿਤ ਸਿੰਘ ਮਾਨ ਦੋਵਾਂ ਨੇ ਇਸ ਘਟਨਾ ਰਾਹੀਂ ਇਹ ਸਪੱਸ਼ਟ ਕੀਤਾ ਕਿ ਉਨ੍ਹਾਂ ਦੀ ਰਾਜਨੀਤੀ ਜ਼ਮੀਨ ਨਾਲ ਜੁੜੀ ਹੋਈ ਹੈ ਅਤੇ ਇਸ ਵਿੱਚ ਆਮ ਬੰਦੇ ਦਾ ਸਤਿਕਾਰ ਪਹਿਲਾਂ ਆਉਂਦਾ ਹੈ। ਏਅਰਪੋਰਟ ’ਤੇ ਵਰਕਰਾਂ ਨਾਲ ਖੜ੍ਹ ਕੇ ਦੋਵਾਂ ਲੀਡਰਾਂ ਨੇ ਇਹ ਦੱਸਿਆ ਕਿ ਸਿਧਾਂਤ ਸਿਰਫ਼ ਬਿਆਨਾਂ ਤੱਕ ਸੀਮਿਤ ਨਹੀਂ, ਸਗੋਂ ਛੋਟੇ ਤੋਂ ਛੋਟੇ ਫ਼ੈਸਲਿਆਂ ਵਿੱਚ ਵੀ ਝਲਕਦੇ ਹਨ। ਇਸ ਤਰ੍ਹਾਂ ਦੀ ਜ਼ਮੀਨੀ ਅਤੇ ਪਾਰਦਰਸ਼ੀ ਰਾਜਨੀਤੀ ਹੀ ਪਾਰਟੀ ਨੂੰ ਆਮ ਲੋਕਾਂ ਨਾਲ ਜੋੜ ਕੇ ਰੱਖਦੀ ਹੈ ਅਤੇ ਉਨ੍ਹਾਂ ਵਿੱਚ ਭਰੋਸਾ ਪੈਦਾ ਕਰਦੀ ਹੈ।