(ਕੌਸ਼ਲ ਮੱਲਾ) ਹਠੂਰ। ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਦੀ ਚਰਨਛੋਹ ਪ੍ਰਾਪਤ ਗੁਰਦੁਆਰਾ ਸ੍ਰੀ ਪੰਜੂਆਣਾ ਸਾਹਿਬ ਪਿੰਡ ਲੰਮਾ ਦੇ ਮੁੱਖ ਸੇਵਾਦਾਰ ਬਾਬਾ ਬਲਬੀਰ ਸਿੰਘ ਲੰਮਿਆ ਵਾਲਿਆ ਦੀ ਅਗਵਾਈ ਹੇਠ ਆਮ-ਆਦਮੀ ਪਾਰਟੀ ਦੇ ਵਰਕਰਾ ਵੱਲੋ 551 ਛਾਦਾਰ ਅਤੇ ਫਲਦਾਰ ਬੂਟੇ ਲਾਉਣ ਦੀ ਸੁਰੂਆਤ ਕੀਤੀ ਗਈ।ਇਸ ਮੌਕੇ ਆਮ-ਆਦਮੀ ਪਾਰਟੀ ਐਨ ਆਰ ਆਈ ਸਭਾ ਹਲਕਾ ਜਗਰਾਓ ਦੇ ਪ੍ਰਧਾਨ ਜਰਨੈਲ ਸਿੰਘ ਲੰਮੇ ਨੇ ਕਿਹਾ ਕਿ ਅੱਜ ਦੇ ਸਮੇਂ ਦਰੱਖਤਾ ਦੀ ਬਹੁਤ ਜਿਆਦਾ ਜਰੂਰਤ ਹੈ ਪਰ ਸਾਡੇ ਲੋਕ ਸਾਡੇ ਸੱਚੇ ਮਿੱਤਰ ਦਰੱਖਤਾ ਨੂੰ ਇੱਕ ਦੁਸਮਣ ਦੀ ਤਰਾ ਅੱਗ ਲਾ ਰਹੇ ਹਨ ਜੋ ਬਹੁਤ ਹੀ ਚਿੰਤਾ ਦਾ ਵਿਸਾ ਹੈ।ਉਨਾ ਦੱਸਿਆ ਕਿ ਅਸੀ ਬੂਟੇ ਲਾਉਣ ਦੀ ਸੁਰੂਆਤ ਅੱਜ ਗੁਰਦੁਆਰਾ ਸ੍ਰੀ ਪੰਜੂਆਣਾ ਸਾਹਿਬ ਤੋ ਕਰ ਰਹੇ ਹਾਂ ਅਤੇ ਆਉਣ ਵਾਲੇ ਦਿਨਾ ਵਿਚ ਪਿੰਡ ਦੀਆ ਸਾਝੀਆ ਥਾਵਾ,ਸਕੂਲਾ ਦੇ ਗਰਾਉਡ ਦੇ ਕਿਨਾਰੇ,ਸੜਕਾ ਦੇ ਕਿਨਾਰੇ ਵੀ ਬੂਟੇ ਲਾਵਾਗੇ। ਉਨਾ ਦੱਸਿਆ ਕਿ ਇਨਾ ਬੂਟੀ ਦੀ ਸਾਭ-ਸੰਭਾਲ ਲਈ ਇੱਕ ਵਿਸ਼ੇਸ ਟੀਮ ਬਣਾਈ ਗਈ ਹੈ ਜੋ ਸਮੇਂ-ਸਮੇਂ ਤੇ ਬੂਟਿਆ ਨੂੰ ਖਾਦ ਅਤੇ ਪਾਣੀ ਪਾਵੇਗੀ। ਉਨਾ ਸਮੂਹ ਪਿੰਡ ਵਾਸੀਆ ਨੂੰ ਬੇਨਤੀ ਕੀਤੀ ਕਿ ਬੂਟਿਆ ਦੀ ਸਾਭ ਸੰਭਾਲ ਲਈ ਸਹਿਯੋਗ ਦਿੱਤਾ ਜਾਵੇ। ਇਸ ਮੌਕੇ ਮੁੱਖ ਸੇਵਾਦਾਰਾ ਬਾਬਾ ਬਲਬੀਰ ਸਿੰਘ ਲੰਮਿਆ ਵਾਲਿਆ ਨੇ ਪ੍ਰਧਾਨ ਜਰਨੈਲ ਸਿੰਘ ਲੰਮੇ, ਗਾਇਕ ਲੱਕੀ ਖਾਨ ਅਲੀ, ਰਜਿੰਦਰ ਸਿੰਘ ਖਾਨਪੁਰੀ ਅਤੇ ਹੋਰ ਵਰਕਰਾ ਨੂੰ ਸਿਰਪਾਓ ਦੇ ਕੇ ਵਿਸ਼ੇਸ ਤੌਰ ਤੇ ਸਨਮਾਨਿਤ ਕੀਤਾ। ਇਸ ਮੌਕੇ ਉਨਾ ਨਾਲ ਕਰਮਜੀਤ ਸਿੰਘ ਤੱਤਲਾ, ਜਿੰਦਰ ਸਿੰਘ, ਸੂਬੇਦਾਰ ਪ੍ਰੀਤਮ ਸਿੰਘ, ਟਹਿਲ ਸਿੰਘ, ਡਾ: ਰਣਜੀਤ ਸਿੰਘ, ਸੰਦੀਪ ਸ਼ਰਮਾਂ, ਜੱਗੂ ਸਿੰਘ, ਜੰਗ ਸਿੰਘ, ਬਾਬਾ ਗੁਲਜਾਰ ਸਿੰਘ, ਡਾ: ਹਰਪਾਲ ਸਿੰਘ, ਕੁਲਵੰਤ ਸਿੰਘ ਤੱਤਲਾ, ਜਸਵਿੰਦਰ ਸ਼ਰਮਾਂ, ਨਵਜੋਵਨ ਸਿੰਘ, ਗੁਰਪ੍ਰੀਤ ਸਿੰਘ, ਚੰਦ ਸਿੰਘ, ਰਾਮ ਸਿੰਘ ਆਦਿ ਹਾਜ਼ਰ ਸਨ।
About Post Author
